Snillingarnir snúa aftur!

Myndirnar hjá Gulla

2004-07-26T09:39:00.000Z

http://not.raunvis.hi.is/~gudlaugu/pictures/showpictures.php?dir=2004/07/24

Í þynnku coma!

2004-07-25T22:39:00.000Z

Jæja gott fólk...ég vil þakka ykkur öllum fyirr mjög svo skemmtilegt reunion í gær! Þetta var rosalega gaman og ég verð að segja að Gulli "swing" sýndi og sannaði að nýja keilusveiflan hans skilar árangri. Berglind á einnig hrós skilið en það eru eflaust ekki margar óléttar konur sem gera heilu fellurnar í röðum, komnar 9. mánuð á leiði!

Grillmaturinn var geðveikur, bjórinn líka og tónlistin mjög skemmtileg og ég held að okkur hafi í alvörunni tekist að blasta græjurnar nógu helv. hátt til að við gætum hefnt okkur á pakkinu á efri hæðinni fyrir hönd Berglindar og Hauks. Er búin að vera í svaka Gammel dansk þynnku í dag en sú þynnka var svo sannarlega þess virði ; )

Ég vil svo endilega hvetja alla til þess að halda áfram að blogga hér. Ég ætla svo að græja e-ð myndaalbúm sem ég ætla að setja á bloggið og geta þeir sem voru með myndavélar dælt inn fyllerísmyndunum.

Bið að heilsa í bili en enn og aftur takk fyrir daginn...þetta var frábær dagur!

kv.
Brynja

p.s höstlaði um 7 leytið fyrir utan 10-11....kött að nafninu Skotta, búsett á Grenimelnum. Ég bauð henni "í glas", tvöfalda íslenska léttmjólk og svo "drapst" hún upp í rúmi. Hún fór svo um hádegisbilið...eða eins og aðrar hjásvæfur!

Sorgarfréttir

2004-07-23T12:20:00.000Z

Eymundur kemst ekki vegna þess að hann var búinn að gera plön sem gengu út frá því að vera í þrastarlundi og hann gat ekki breytt þeim með svona stuttum fyrirvara.

Kv, Pétur.

ATH!!!

2004-07-22T18:57:00.000Z

Berglind bauð okkur að vera heima hjá sér og það er ekki svo galin hugmynd þar sem þar eru fleir sæti (samt nóg af sætum hjá mér) ....
Hún bloggaði þetta fyrr í dag:

Jæja gott fólk, við Brynja ákváðum að hittast heima hjá mér að Víðimel 72 í Vesturbænum klukkan 14 á laugardaginn, stærri ískápur undir allt ölið og sæti fyrir fleiri rassa, og þá getum við ákveðið frekara framhald af "nemendamótinu".
Síminn hjá mér er 692-0078/551-1928 ef að þið villist af leið, en annars er þetta innsta húsið á Víðimel til hægri þegar keyrt er inn götuna, blá kjallarahurð.
Hlakka til að sjá ykkkur.
Kv, Berglind.

hafið þessa breytingu í huga kl.14:00 á laugardaginn

kv.
Brynja

Hittingur

2004-07-22T16:49:00.000Z

Eigum við þá bara ekki að hittast klukkan fjórtánhundruð heima hjá Brynju á laugardaginn? Svo bara spilum við þetta eftir hendinni...

Kv, Pétur.

Viðey

2004-07-22T13:12:00.000Z

Þessi túr í Viðey var einhver sögutúr með mat og alles og svo átti að fara upp að Mosfelli og eitthvað meira. Næstum því dagsprógramm og kostar því 5500 kr/mann.
Sjáumst á laugardaginn ;)
Þórey

Mínir 5 aurar

2004-07-22T12:47:00.000Z

Það hefur eitthvað verið skrafað hérna í vikunni á meðan ég sleikti sólina í Haukadal. Ég var reyndar farinn að hlakka til að hittast í Þrastarlundi og búinn að skipuleggja helgina í kringum það en verð víst að skipuleggja þetta aðeins öðruvísi. Ekkert vandamál með það. En eins og mér finnst Viðey nú skemmtileg þá datt mér allt í einu í hug að gaman væri að fara í go-kart. Það á víst að vera eitthvað svoleiðis uppi á efstu hæð á bílaplaninu í kringlunni. Annars fer þetta mest eftir veðrinu og eins og marg oft hefur komið fram er þetta skipulagt svo við getum hist.
En reyndar án þess að eiga von á fleiri umpólunum, þá gæti ég reddað allavegana tveimur kolagrillum (mögulega fleirum), 1-2 partítjöldum og bílgræjurnar hjá einhverjum eru örugglega nothæfar sem hljómtæki annars eigum við ferðatæki með geislaspilara. En fjöldinn ræður víst för og ég elti enda ekki í skipulagsnefnd og ætla mér ekki að kvarta.

Kveðja
Gulli

Allt að smella saman:)

2004-07-22T11:05:00.001Z

Jæja gott fólk, við Brynja ákváðum að hittast heima hjá mér að Víðimel 72 í Vesturbænum klukkan 14 á laugardaginn, stærri ískápur undir allt ölið og sæti fyrir fleiri rassa, og þá getum við ákveðið frekara framhald af "nemendamótinu".
Síminn hjá mér er 692-0078/551-1928 ef að þið villist af leið, en annars er þetta innsta húsið á Víðimel til hægri þegar keyrt er inn götuna, blá kjallarahurð.

Hlakka til að sjá ykkkur.
Kv, Berglind.

2004-07-22T09:54:00.000Z

Mér líst ljómandi vel á planið : )

Við getum hisst heima hjá mér og ákveðið hvað við viljum gera, allt eftir veðri og vindum. Ég væri til í Viðey og gögnuferð, en ég skildi samt ekki alveg hvað Þórey átti við með verðinu, er það þá ekki 5500 fyrir túinn (varla á manninn er það)? Ef það er leiðsögnin og það, þá er þetta ekki mikið á mann.

Keila hljómar ansi spennandi og ég er meira en til í það, ég held að þetta sé ein af fáu íþróttagreinum sem mér gengur sæmilega í, þó kannski best að hafa sem fæst orð um árangur í íþróttum ;) Eftir keilu gætum við svo grillað hjá mér eða í Nauthóslvíkinni, bara það sem okkur dettur í hug. Það er svo líklega best að hver og einn komi með sitt bús, því smekkur manna hefur væntanlega breyst síðustu 12 ár og ekki víst að allir drekki Koskenkorva útí mix lengur. Ég treysti mér því ekki í kokteilagerð neitt sérstaklega.

Ég á heima að Eggertsgötu 24, íbúð 217. Þetta er niðrí Skerjafirðinum á Stúdnetagörðunum í stóru blokkinni með 10-11. Ef einhver finnur þetta ekki þá er síminn hjá mér 845 8994

Hlakka til að sjá ykkur!

kv. Brynja

Reykjavík

2004-07-22T07:25:00.000Z

Jæja held að þetta sé bara að verða komið hjá okkur!
Ég var að tala við Pétur á msn í gær og við sáum bara eina ferð í Viðey með leiðsögn, en hún kostaði 5500 kr. Svo kostar 500 kr með ferjunni fram og til baka þannig að við gætum bara tekið smá rölt um eyjunna. Einnig datt okkur í hug að fara í keilu, við gætum skipt í lið og sonna ;) Við gætum líka bara hisst hjá Brynju kl. 14 og ákveðið þá hvert við viljum fara, Hallgrímskirkja, Viðey eða Keila eða bara allt saman.
Við gætum svo öll farið saman að versla fyrir grillið, eða hvað? Held samt að það væri betra að hver fyrir sig kæmi með drykki, það eru kannski ekki allir sem ætla að drekka áfengi eða hvað?
Bless á meðan
Þórey

Plaffffað á mávana í Nauthólsvík

2004-07-21T14:23:00.000Z

Það er gott að það er að komast endanlegt plan fyrir helgina. Ég tjekkaði á veðurspánni og það á að vera skýjað á laugardaginn og rigning á sunnudaginn svo það gæti allt eins verið að það myndi rigna e-ð á laugardaginn, það er þá fínt að við höfum húsaskjól.

Við gætum hittst í fordrykk hjá mér, landakaffi með sykri ;) En það er spurning hvort við myndum leggja í púkk eða hver að koma með sitt. Ef það verður rigning á laugardaginn þá grillum við bara á svölunum hjá mér, en ef veðrið verður mannbjóðandi þá held ég að það væri tilvalið að kíkja í Nauthólsvíkina. Þrátt fyrir efasemdir Eymundar um ágæti þess, þá held ég að það verði ekki mikið að fólki þarna um kvöldmatarleytið og þegar líða tekur á kvöldið og í þau skipti sem ég hef komið þarna, þá hef ég ekki rekið augun í marga máva. Það er svo alltaf spurning að koma með loftriffil og "plaffffa" á kvikindin, eða senda eftir Skjölla og siga honum á mávana!

En hvað með Viðey...er e-r stemmari með það...á ég að tjekka með verð á gönguferð með leiðsögn??

kv.
Brynja

Reykjavík Ó Reykjavík

2004-07-21T12:01:00.000Z

Mér finnst það bara ágætis hugmynd að hittast í Reykjavík, en slæmt væri það nú að láta einhverja leiðindamáva skíta oní matinn hjá manni. En með svona borgarferð, þá er hægt að gera þetta sem Brynja talaði um, Hallgrímskirkju og sona. Gætum svo kannski bara hist heima hjá henni og grillað og djúsað. Það er kannski bara best svona miðað við ástandið á hópnum. Ekki skynsamlegt fyrir óléttar Berglindir að hossast um sveitir landsins. Það komast sennilega flestir ef við gerum þetta svona. Verðum við þá ekki að hittast einhversstaðar í fordrykk? Hvað finnst ykkur?

Kv, Pétur.

Reykjavík

2004-07-21T10:22:00.000Z

Góðan daginn
Ég er sammála Hjalta að ef við hittumst í Reykjavík geta fleiri mætt og er ég alveg tilbúin að fórna tjaldferð til að hitta sem flesta. Eigum við því ekki bara að slá því á fast til að sjá sem flest andlit?
Vildi bara koma þessari skoðun minni á framfæri.
Bæjó í bili
Þórey

Reykjavik

2004-07-21T09:10:00.000Z

Hæ öll sömul.

Ég er alveg til í að hittast í Reykjavík ef það þýðir að fleiri komast. Mér finnst langmikilvægast að sem flestir sjái sér fært um að mæta og mér finnst sjálfsagt að við tökum tillit til Berglindar þar sem hún er ólétt og á erfitt með að ferðast út og suður með okkur hinum.

Ef það verður hins vegar ákveðið að vera í Þrastarlundi að þá get ég komið með grill og gæti hugsanlega reddað græjum líka.

Jæja þið hafið allavega mitt sjónarmið í þessu en bókstaflega er ég til í allt...

kveðjur
Hjalti

Reykjavík????

2004-07-20T23:17:00.000Z

Gúddag! Ég verð nú að segja fyrir mína parta að þar sem ég bý í Reykjavík þá væri ég nú frekar til í að gera eitthvað fyrir utan borgarmörkin, það er jú hægt að fá leið á þessari ágætu borg. Svo held ég að það sé nú lítil stemning að grilla innan um fimmhundruð manns í Nauthólsvík þar sem mávagerið er skítandi ofan á fólk og rænandi okkar ágæta grillmat. En ef þetta er það sem fólk vill þá verður svo að vera. Kveðja
Eymundur.

Umpólun ;)

2004-07-20T21:57:00.000Z

Já þetta eru fínar tillögur og ég samþykki þær alveg mótþróalaust, þó svo að ég sé búin að samþykkja allt annað líka ;) En ég var að spá í einu, ef við verðum svona að flakka um bæinn og enda svo í Nauthólsvík og sletta aðeins í okkur hver á þá að keyra? Það væri kannski sniðugt að ferðast bara með strætó þennan daginn :) langt síðan ég hef gert það. Það kemur örugglega allt í ljós, en þú hefur mitt atkvæði.
Bless á meðan
Þórey

Enn ein tillagan

2004-07-20T17:58:00.000Z

Sko...eftir að hafa gert smá könnun þá komst ég að þeirri niðurstöðu að Sigrún kemur ekki sökum anna í Flatey og Berglind hefur ekki ákveðið sig enn þá sökum óléttu. Mér er ekki kunnugt um hvort Hulda hyggist koma. Við erum því ekki nema jafnvel 7.

Ég hef pælt ansi mikið í þessu áður ákveðnu fyrirkomulagi og hef alveg andpólast í skoðunum mínum varðandi skipulagið (er þó ekki að kenna einum eða neinum um, ég er sjálf í "skipulagsnefnd"). Þar sem útlit er að fyrir að við verðum ansi fá og enginn hefur boðið fram grill og græjur veit ég ekki hversu vel við náum að uppfylla fyrri plön um reunion. Mér lýst samt enn vel á Draguasetrið á Stokkseyri en ég veit ekki lengur með að sofa í tjöldum og vera tónlistarlaus?! endar þetta þá ekki bara þannig að við drekkum okkur haugafull og og ælum hráu kjöti eftir að hafa reynt að grilla á einnota grillum! Mér finnst líka umhugsunarvert hversu fá við verðum en kannski koma Berglind og Hulda frekar ef þetta er í bænum, allavega Berglind þar sem hún er ekki að fara að keyra ein eða gista í tjaldi.

Ég set því fram hugmyndir hér og allar athugasemdir eru vel þegnar, góðar og slæmar. Þó svo að við búum flest hver í Reykjavík að staðaldri er hellingur sem við getum gert hér, þó það sé alltaf gaman að vera í sveitinni líka. Það er kannski ókostur að hópurinn gæti splittast upp þegar líður á kvöldið ef við verðum í bænum en hann er hvort eð er búin að skiptast upp þar sem við erum örfá sem erum að fara að hittast eða 7-8. Ég legg til að við verðum ögn menningarleg í bland við smá sukk, líkt og planið var, en þess í stað hér í bænum. Ég held þar fyrir utan að við munum drepast á hvert á eftir öðru í tjaldbúðum, sem er í raun það sama og hópurinn splittist á djamminu. Hér er hugmynd að laugardeginum:

Hittast um 14:OO fyrir utan Hallgrímskirkju og fara upp í turninn og skoða útsýnið (600 kr. á mann) ég hef farið og mæli með því, sérstaklega ef það er gott veður Þar gætum við platað tústistana til að taka "bekkjarmynd" ; ) Við gætum síðan hópkeyrt til Sundahafnar og farið í Viðey með ferjunni og fengið göngutúr með leiðsögn. ég er þó ekki viss hvað það kostar nákvæmlega með leiðsögn en ferðin fram og tilbaka í Viðey er 500 kr. á mann. Eftir Viðey gætum við farið í Nauthólsvík og grillað og tekið með okkur blakbolta og farið í smá strandarblak, það kostast ekki neitt. Þar gætum við sukkað og haft það skemmtilegt, útötuð í grillsósum og með kjöt á milli tannana. Síðan gætum við farið heim til mín þegar kvölda tæki og haldið áfram að fylla okkur og svo gætum við kíkt út á lífið, saman eða í sitthvoru lagi, allt eftir því hver stemmarinn er. Þar sem við verðum hvort eð er örfá ætti ekki að vera erfitt að halda hópinn. Ég er ekki með nein tímamörk á partýinu...við gætum alveg sleppt því að fara niður í bæ og verið bara hér, það er ekkert sem segir að við þyrftum endilega að fara niður í bæ. Ég hef löglega afsökun til að halda partý hér fram undir morgun þar sem ég flyt héðan eftitr mánuð. Þó íbúðin sé ekki stór þá hef ég auðveldlega haldið 25 manna partý hér og það hefur enginn kvartað hingað til.

Ok þetta er semsagt hugmyndin og endilega verið nú dugleg að kommenta. Ekki samt misskilja mig...ég fer ekkert í fýlu eða eitthvað svoleiðis ef ykkur líst ekki á þetta. Persónulega langar mig meira að sofa heima hjá mér en í tjaldi en ég gæti svo sum umpólast aftur...hver veit?!

bið að heilsa í bili
Brynja

Sammála síðasta ræðumanni!

2004-07-20T09:33:00.000Z

Ég held líka að þetta sé bara nóg dagskrá og kannski er þá nóg fyrir okkur að leggja af stað úr bænum kl. 14:30-15:00. Hverjir ætla á bílum úr bænum?
Bæ í bili
Þórey

Draugar og djöfulgangur...

2004-07-20T00:25:00.000Z

Jæja...mér líst vel á þessa dagskrá. Mér skilst með þetta ferðamannafjós að það sé bara búið spil. Kallinn bara hættur með þetta. Getum ábyggilega fengið að mjólka hjá honum eða eitthvað. Girða kannski...tekið upp járnkallinn og skellt upp einni girðingu eða svo. Gönguleiðirnar þarna er hægt að fá bæklinga um í upplýsingamiðstöðinni þarna. Við getum gengið um Þrastaskóg og Öndverðarnes eða eitthvað solis. Stuttar leiðir skilst mér....þannig að allir ættu að fíla þetta. Persónulega leiðast mér langar göngur. Ég held líka að skoðunarferð á draugasafnið plús gönguferð sé bara fín dagskrá einfaldlega vegna þess að við höfum bara held ég nóg að tala um.....eða það held ég allavegana. Ekki eins og við hittumst á hverjum degi :)

Kv, Pétur.

Draugar -drukknir eða dauðir

2004-07-19T21:13:00.000Z

Ég vild endilega fara að fá e-a mynd á þetta "ekki-prógramm" okkar!! Mér lýst mjög vel á kajakferð og ferð á draugasafnið, hvort tveggja er á viðráðanlegu verði, en eins og Eymundur sagði þá eru nokkrir verðlflokkar í kajaksiglingunum og mér líst best á ferð 2 eða 3 en ferð 2 kostar 1900 og er án leiðsagnar en ferð 3 er með leiðsögn. Það er alltaf gaman að heyra heimamenn og kunnugua segja frá staðháttum og þess konar því maður verður ávallt margs vísari og því væri ég til í ferð 3, þ.e. með leiðsögn. Mér lýst líka mjög vel á draugasafnið en ég bjallaði í þá rétt áðan og verðið er 1400 á mann og enginn hópafsláttur. Þetta er 45. mín túr um safnið og maður verður víst ekki svikinn af því. Ég reyndi líka að bjalla í ferðafjós-bóndann að Laugarbökkum en hann svaraði ekki. Veit því ekki hvað kostar þar.

Hvernig er svo með grill, tónlist og þess háttar?? Gott væri ef e-r gætu tekið svoleiðis með sér en því miður á ég ekkert af áðurnefndu, en Hagkaups "gettóblasterinn" minn gaf nýlega upp öndina en ég gæti þó hugsanlega reddað e-m diskum.

Ef við erum að spá í draugsafninu og kajak þá væri eflaust fínt að leggja af stað úr bænum um 2 eða hálf 3.

Anyways...við verðum að fara að negla e-ð niður. Veist samt e-r hvernig veðurspáin er???

kv.
Brynja

Dagskrá

2004-07-19T15:43:00.000Z

Persónlega finnst mér ekki gaman að veiða, því verður engin veiðiferð í þessari dagskrá ;)
En hún er svona:
Leggja af stað úr Reykjavík kl. 14:02:05, gætum hisst á einhverjum góðum stað og leggja öll af stað þaðan.
Bruna á Stokkseyri og skoða draugasafnið.
Keyra svo upp í Grímsnes og gera eitt af þrennu (eða allt ;)), 1. gönguferð um Þrastarskóg, 2. gönguferð einhversstaðar sem ég er búin að gleyma en ekki langt frá Þrastarskógi (Pétur veit það) og 3. skoða ferðamannafjós, Pétur fór víst einu sinni að skoða og það var rosalega gaman.
Tjalda í Þrastarskógi, grilla, drekka og rifja upp liðna tíma ;). Á einhver ferðagrill sem sá hinn sami gæti tekið með sér? Veit ekki hvort það er eitt stórt grill þarna.
Jæja kvartiði nú !
Þórey

Veiðiferð

2004-07-19T15:38:00.000Z

Hvernig er það....er einhver stemning fyrir því að taka í veiðistöng og renna fyrir fisk? Ákvað nú bara að tékka á því...

Kv, Pétur.

Draugurinn í bleiku nærbuxunum

2004-07-19T14:31:00.000Z

Jæja...mér líst ansi vel á draugadæmið og svo getum við fundið einhverja skemmtilega gönguleið um Grímsnesið. Það er einn stutt gönguleið í Þrastaskógi. Kannski hægt að kíkja á það. En svo er það þetta með bíla og för. Við vitum núna að Þórey verður á bíl og það fara þá 4 með henni, er það ekki? Einhverjir fleiri sem verða á bíl úr bænum? Væri gaman að vita.

Kv, Múhameð æðsti prestur.

Draugahús og ????

2004-07-19T13:22:00.000Z

Halló, halló
Ég er alveg til í að kíkja í draugahúsið og eitthvað annað skemmtilegt. Ég fann síðu á netinu http://www.nat.is/travelguide/ahugav_st_grimsnesid.htm þar sem eru áhugaverðir staðir í Grímsnesinu. Við gætum þess vegna farið bara í gönguferð um Þrastarskóg. Hvernig hljómar það að leggja af stað úr bænum kl. 14, skoða draugahúsið og bruna svo uppeftir og taka smá rölt áður en við grillum?
Bless í bili
Þórey

Kajakar og draugahús

2004-07-19T09:33:00.000Z

Hæ öll sömul,

Ég er sammála Eymundi og Pétri að mér finnst raftingið heldur dýrt en kajakarnir virðast alveg vera á viðráðanlegu verði - svo hljómar þetta draugasafn nokkuð spennandi. Annars getum við líka fundið okkur einhvað sniðugt að gera þarna í nágrenninu. Þurfum við ekki að fara negla þetta niður fljótlega? Styttist í helgina og það væri fínt að vita hvenær maður þyrfti c.a. að vera komin á staðinn.

kveðjur
Hjalti

Eitthvað að gera.

2004-07-18T23:08:00.000Z

Góðan dag gott fólk, er sammála síðasta ræðumanni að þetta rafting dæmi sé helvíti dýrt, gæti samt verið mjög gaman, hef ekki prófað þetta ennþá. Sá á netinu að það er hægt að fara í kajakferðir frá Stokkseyri og kosta þær frá 1700-3500 kr á mann en það er hægt að velja um nokkrar mismunandi ferðir þar sem er róið um fúamýrar og drullutjarnir í nágreninu, einstök upplifun að sagt er. Tekið var fram að ef fólk væri ölvað mætti það ekki fara. Svo er líka draugasetur í Þorlákshöfn, veit ekkert meira um það mál en það gæti verið athugandi að skoða það. Svo er líka ríkissalur Votta Jehóva á Selfossi en þangað gætum við fjölmennt á samkomu og frelsast ef allir eru rétt stemmdir og opnað Hornafjarðardeild Votta Jehóva fyrir austan í samkeppni við Steina Matt, Helga Georgs og Co. Ég tilnefni Pétur sem æðsta prest og andlegan leiðtoga:) En nóg um það, mér líst ágætlega á allt nema einhverjar hestaferðir því að hestar eru löngu úrelt illa lyktandi sískítandi farartæki sem ekki ber að koma nálægt fyrr en eftir söltun og klukkutíma suðu ásamt kartöflum. Biðst forláts ef einhverjum hefur sárnað þessi ummæli en þetta er jú staðreynd. Jæja hvað segiði?
Kveðja Eymundur.

Rafting

2004-07-15T13:42:00.000Z

finnst mér soldið dýrt. Maður er náttlega alltaf svo fátækur. Eða hvað finnst ykkur? Kannski hægt að finna eitthvað sem er ekki svo dýrt. Er engin sem hefur farið þetta áður? Ég er búinn að prófa þetta einu sinni og borgaði sama pening þá, og er ekkert sérstaklega spenntur að fara þetta aftur. Ég er svo sem ekkert uppfullur af öðrum hugmyndum um það sem hægt er að gera... Ekki nema að djamma og hafa gaman :)

Kv,Pétur.

Hvítárrafting!

2004-07-15T10:01:00.000Z

Ég tékkaði á þessu og upplýsingarnar eru:
Kostar 5900 kr/mann.
Siglingin sjálf tekur 1 og 1/2 klst.
Laugardaginn 24. júlí er farið kl. 14 og kl. 18.
Allt ferlið er frá 13:30-16:30. Koma 30 mín. fyrir til að fá galla og leiðbeiningar.
Það eru þegar komnir 10 manns í ferðina kl. 18.
Það er ekki hópaflsáttur fyrir svona fáa :(
Gott að panta fyrirfram þannig að endilega látið vita hvort þið viljið fara eða ekki.
Ef við förum er þá ekki best að fara í siglinguna kl. 14 til að vera ekki langt fram á kvöld?
Ekki meira í bili.
Kveðja
Þórey

Hjalti er fyrir austan...

2004-07-14T11:50:00.000Z

er einhver annar sem mundi fara þaðan í útileguna? Spurning um að hafa samband við hann til að sameinast um far þaðan...

Kv, Pétur.

Rigning...

2004-07-10T11:07:00.000Z

Spurning með þessa rigningu. Soldið leiðinlegt að sitja úti hundblaut og geta lítið gert. Við verðum eiginlega að redda okkur svona tjaldi sem allir geta verið inní ef það skyldi fara að rigna. Dettur í hug að það sé hægt að leigja svolis tjald þarna hjá tjaldalandi við BSÍ. Bara svona til að vera örugg. Varðandi þetta rafting dæmi, þá hef ég farið einu sinni niður Hvítá sem var ágætt. Helst lítið af flúðum fannst mér en engu að síður mjög gaman. Minnir að þetta sé um tveggja tíma rúntur niður ána með tilheyrandi stökkvum fram af klettum. Eníveis...

Kv,Pétur.

Hvítá

2004-07-09T22:41:00.000Z

Ég fann síðuna um rafting niður Hvítá http://www.allskyns.net/adventure/Upplysingar_islenska.htm
Mér sýnist það kosti 5900 kr/mann, en eins og Brynja segir þá er kannski hægt að fá einhvern hópafslátt ef fólk er spennt fyrir þessu. Ég er alveg til í smá buslugang ;)
Kv.
Þórey

Þrastalundur 2004

2004-07-08T18:41:00.000Z

Jæja loksins er ég rin upp frá dauðum eftir mikla drykkjuhelgi og get því farið að einbeita mér að næstu útileigu. Ég stakk upp á því við Pétur á HÁH að við færum í siglinu niður Hvítá. Ég veit að vísu ekki hvað það kostar en það má tjekka með hópafslátt eða tilboð. Það væri gaman að hafa e-ð prógramm og e-ð að gera. Við gætum krúsað niður Hvítá, farið svo í Þrastarlund og byrjað að sukka og grilla og hafa eitthvað gigg. Ég legg til að e-r komi með gettóblaster svo við geturm hlusta á Grimm dúndur, Reif í sundur, Nirvana, Metalica og hámarkað þannig nostalgígjuna okkar. Það væri líka gaman ef einhver myndi nenna að koma með myndir, en ég á eflaust e-r albúm heima sem ég gæti komið með...það fær kannski við misjafnar undirtektir eða hvað?!

Það væri sniðugast að reyna að sameinast með ferðir upp á að við getum jafvel fylgst að og komið á svipuðum tíma. Væri ekki fínt að leggja af stað úr bænum 2-3 og fara þá í siglingu (sem tekur dágóðann tíma held ég). Síðan myndum við fara upp í Þrastalund og tjalda og grilla og djúsa fram til morguns. En hvernig er það, er eitthvað B-plan ef það verður rigning??

Yfir til ykkar!

Brynja

Ferðir!!

2004-07-06T11:46:00.000Z

Jæja fólk hefur ekki mikið að segja um hvað skal gjöra þennan merka laugardag. En okkur Pétri var að detta í hug að fara bara í brennó, Löggu og bófa eða eitthvað slíkt ;)!!
Svo með flutiningana á staðinn. Eigum við ekki að reyna að sameinast í bíla? Ég fer á bíl (þar sem það er nú ekki um svo marga aðra að ræða á mínu svæði ;)) og það er pláss fyrir 4 með mér og nokkuð stór farangursgeymsla (engin takmörk fyrir að koma með nóg af "nesti").
Eitt enn. Hverjir ætla pottþétt að koma 24. júlí í Þrastarskóg, hverjir koma ekki og hverjir vita það ekki alveg? Vinsamlegast tjáið ykkur hér á blogginu svo hægt sé að telja þetta saman.
Bæjó í bili
Þórey

Hvað skal gjöra?

2004-06-21T21:40:00.000Z

Hvað skal gjöra er komið verður í stæði tjalda? Skal þar upp búðum slá og ölið kneyfa úr hornum okkar fornfeðra? Skal setið að drykkju undir morgunroða þar til allir munu ekki lengur í lappir standa? Mun fólk grýta flugdiskum, láta fætur snerta sparktuðru og þar frameftir götunum? Hvað skal gjöra.......?

Salut, Pjotr.

Þetta er komið!!!!

2004-06-17T16:16:00.000Z

Þá er það ákveðið! Það á að hittast semsagt 24 júlí í Þrastaskógi , nánar tiltekið í Forsetalundinum sem er svona ólátabelgjasvæði. Jibbý!!!!!

Kv, Pétur.

MSN

2004-06-16T18:44:00.000Z

Jamm....er ekki upplagt að hittast soldið á msn?? Ég heiti petur78@hotmail.com

Kv, Pétur.

Skipulagsnefnd!!

2004-06-16T14:15:00.000Z

Já ég skal vera með ykkur í nefndinni. Finnst alveg svaka gaman að skipuleggja eitthvað svona hittingsútilegufyllerí ;)
Getum spjallað á msn eða hisst einhversstaðar.
Kv.
Þórey

Skipulagsnefnd

2004-06-15T21:37:00.000Z

Halló. Ég var að velta fyrir mér hvort að ég, Brynja og einhver annar ættum að taka það að okkur að skipuleggja eitthvað sniðugt. Einhver sem býður sig fram?

Kv, Pétur.

Alltaf...

2004-06-15T16:13:00.000Z

jafn fljótfær...gleymdi að segja að þetta væri til Gulla : )

Afmæliskveðja

2004-06-15T16:11:00.000Z

Ég vissi að þú ættir afmæli 11. júní en ég bloggaði 12. júní. Tíminn er hins vegar vitlaus á bloggsíðunni...annað tímabelti eða eitthvað. Ég skal kippa því í liðinn við fyrsta tækifæri. :)

kv.

Brynja

Gömul hugmynd endurnýjuð

2004-06-14T12:49:00.000Z

Sæl öll sömul

Þar sem öll umræðan er komin hérna yfir á þetta blogg verður minna um tillögur og athugasemdir frá mér þar sem ég á mjög erfitt með að muna svona hluti. En ég álpaðist inn á þetta núna og líst vel á þær hugmyndir sem eru komnar upp. Ég er sammála þeim ræðumönnum sem segja að partý í bænum yrði sennilega ekki eins skemmtilegt og einhver sumarbústaðarferð. En það er alltaf vandamál með að finna stað.

Því legg ég til eins og Hjalti stakk upp á í pósti sem var sendur 22.maí að það taki sig saman 2-3 og skipuleggi þetta. Ég ætla ekki að stingast undan ábyrgð á þessu með því að vísa á aðra en miðað við umræðuna upp á síðkastið held ég að Pétur og Brynja gætu fengið einhvern í lið með sér og skipulagt þetta. Mér persónulega finnst upplagt að fara í útilegu eina helgi og taka laugardaginn og gera eitthvað saman (t.d. sund, bátsferð niður Hvíta (sá stutti gæti lagst til sunds), fjallganga eða bara sólbað ef veður leyfir) og að sjálfsögðu grilla saman um kvöldið. Þeir sem ekki nenna að liggja í tjaldi gætu þá komið á laugardeginum og verið með hópnum. En þar sem við búum á Íslandi er sjálfsagt að hafa Nauthólsvíkina eða svalirnar hjá Brynju til vara (það væri kannski hægt að finna stærri svalir án þess að ég hafi séð þær).

Kveðja
Gulli

Allt að smella saman, gaman gaman!!!

2004-06-13T11:05:00.001Z

Jæja gott fólk! Við Brynja ákváðum að hittast heima hjá mér klukkan fjórtánhundruð á laugardaginn þar sem frekari stórákvarðanir varðandi þetta nemendamót verða teknar, ... þar er stærri ískápur til að kæla bjórinn og sæti fyrir fleiri rassa:) Þannig að við sjáumst á Víðimel 72 í Vesturbænum, þetta er innsta húsið í götunni og blá kjallarahurð til hægri. Síminn hjá mér er 692-0078 og 551-1928 ef þið villist.

Hlakka til að sjá ykkur.
Kv, Berglind......

Jæja góðir hálsmálar..........

2004-06-13T11:05:00.000Z

Indislegt að vakna fyrir klukkan sjö á sunnudagsmorgni við það að e-r fokking fluga er að gera árás á mann og reyna hvað eftir annað að fljúga uppí mann, sem í þessu tilfelli var sterkur leikur hjá henni þar sem ég er með stíflað nef og á ekki annarra kosta völ en að anda í gegnum munninn ef ég ætla mér að halda lífi, ....hmm ég hefði kannski átt að gleypa helvítið, ég hélt reyndar á tímabili að ég hefði sofnað í nokkra daga og væri farinn að rotna af því að ég var ekki allveg að skilja þessa árashneigð í kvikindinu! En þar sem ég var nú vöknuð og fannst aðeins og snemmt að fara að skúra, ryksuga, baka, sauma, reyta arfa og út að hlaupa eins og ég er "vön" að gera á sunnudögum þá fór ég að spá aðeins í því hvar við "allraskemmtilegasti og efnilegasti árgangur Nesjaskóla fyrr og síðar" gætum hist og haft fyrir stafni.

Ég reyndar held að það sé frekar erfitt að finna sumarbústað núna til afnota þessa helgi, þeir eru eflaust upppantaðir en það má reyna. Við gætum líka stolið e-u flottu hjólhýsi og haft það kósý, eða bara dustað rykið af fermingartjaldinu og farið t.d. á Laugarvatn, Þingvelli eða í Húsafell (gætum lent í því að fá drullu, niðurgang og ræpu reyndar ef við förum Húsafell miðað við reynslu þeirra sem voru þar s.l. helgi;) Mér líst reyndar vel á Laugarvatn, það er mjög fínt að vera þar, tjaldstæðið er mjög gott, þar er sundlaug og svo er hægt að fara á bát út á vatnið og gera ýmsann skandal sem við höfum hingað til ekki átt í erfiðleikum með að framkvæma:) Það er líka fjall þarna rétt hjá sem er bara nokkur hundruð metrar á hæð og þá væri nú hægt að rifja upp fjallgönguna frægu sem var farin fyrir nokkrum árum. ....thhjahhhh það er helling hægt að gera þarna, það fer meira að segja rúta frá BSÍ sem við getum tekið og allir komast með, þannig að það væri hægt að gera þetta að svona ekta "sumarbúðaferð" á Laugarvatn svona eins og við fórum í nokkur úr þessum hóp fyrir 14 árum síðan!!!

Þá er mín tillaga komin á blað, síðan ætla ég bara að vona að ég geti hitt ykkur en ég stefni á það að fjölga mannkyninu um miðjann ágúst þannig að ég veit ekki allveg hvort það sé sniðugt að vera fjarri fæðingardeild um þetta leyti, en það kemur í ljós:)
Kveðja, Berglind.

N-reglan og Nirvana

2004-06-11T17:26:00.001Z

Já hver man ekki eftir undurskemmtilegu stafsetningaræfingunum hans Sigga Björns?! Ég held samt að þær hafi ekki alveg skilað sér því ég er alveg agalega léleg með N-reglurnar...erum við kannski fleiri?

Mér líst orðið ágætlega á sumarbústaða sukkferð þarf sem við gætum hagað okkur eins og í Nesjaskóla forðum daga þegar djöfullinn sjálfur bjó innra með okkur öllum...ja flestum. Það er þó spurning -eins og félagi Pétur benti á-hvort við getum reddað bústað án mikillar fyrihafnar. Er ekki einhver sem er að sofa hjá rétta fólkinu -hvernig er það eignlega?? Er ekki einhver með sumarbústaðasambönd? Nú þau sem erum á lausu hafa nokkrar helgar til að leggjast undir/ofan á réttu aðilana...

Annars vil ég líka nota tækifærið og óska félaga vor Guðlaugi til hamingju með gærdaginn...eða eins og Danirnir segja (já og kannski Stina Stuð þegar hún er í glasi); "Til Lykke Gúdlójgúr, Húúúrrrra, Húúúrrraa, HúúúúúúúRRRRRRRRRaaaaaaa!" Og svo er sullað fram á nótt!

Best skella svarta disknum með Metallica á fóninn og græja Nirvana safnið fyrir áheyrn, dusta rykið af köflóttu vinnuskyrtunni og gallavestinu...ÞVÍ ÞAÐ ER KOMIN HELGI!

Með von um góðar stundir

Bjórkveðjur
Brynja

Hvað er um að veeééraaaa?

2004-06-11T15:30:00.000Z

Góðan dag kæru bekkjarfélagar! Loksins ætlum við mestu fyrirmyndar nemendur Nesjaskóla fyrr og síðar að hittast og rifja upp gamla tíma þar sem við fórum á kostum við það að reyna að gera skólagöngu okkar sem ánægjulegasta með ýmsum uppátækjum eins og Pétur sessunautur minn og glæpafélagi til margra ára hefur bent á í skrifum sínum.
Mér líst vel á grillveislu einhversstaðar í sumarbústað eða bara á tjaldstæði ef að veðrið er gott, gætum td farið uppá Flúðir, stutt að keyra þangað og oftast sæmilegt veður, hvernig líst ykkur á það? Jæja ég ætla að enda þennan pistil á línu sem mér er ákaflega minnisstæð úr stafsetningu hjá Sigga Bjöss en hún er svona, "þótt Hvítá væri ströng, lagði sá stutti óhikað til sunds". Hver man ekki eftir þessum fleygu orðum!
Kveðja Eymundur.

Sumarbústaður?!?!?!

2004-06-08T20:39:00.000Z

Það væri náttlega mesta snilldin að vera í sumarbústað einhversstaðar. En það er kannski of seint að tala um það? Veit það ekki...Á ekki einhver sumarbústað á lager? Annars detta mér fáir staðir í hug svona fyrir utan bæinn. Spurning um að slá upp tjaldbúðum fyrir aftan Nesjasjoppuna :D

Kv, Pétur.

Fyrir utan bæinn.....

2004-06-08T18:31:00.000Z

Jamm er tilbúin að vera fyrir utan Reykjavík, en hve langt frá höfuðborginni viljið þið vera?? Er einhver staður þar sem við getum verið í nokkuð langan tíma, allavega frameftir kvöldi?? Og auðvitað grillað og vökvað sálina!!
Kv.
Þórey

Þetta hafði verið ermalangur vetur hjá smávindlunum...

2004-06-06T22:07:00.000Z

Já...mig langar svolítið að vera einhversstaðar fyrir utan bæinn. Er það ekki betra? Ef við verðum í bænum, þá held ég að þegar líður á partýið, þá vilji fólk fara niður í bæ og þá splundrast hópurinn hingað og þangað. Eða hvað finnst ykkur? Væri gaman að grilla saman, spjalla um gömlu tímana (eins og maður sé 76 ára hérna) og eyða kvöldinu bara í góðu tjilli.

Kv, Pétur.

Grillum, grillum

2004-06-02T22:26:00.000Z

Já ég er sammála þessum grillhugmyndum. Ef ekki í Nauthólsvík þá bara á svölunum hjá Brynju, þröngt mega sáttir éta ekki satt!! En allir eru sem sagt sammála því að hafa þetta game í bænum eða þar í nágrenni?? Ég veit ekki hvað annað má gera með grillinu nema bara tjatta og rifja upp þá gömlu góðu daga. Kannski fara í keilu já og svo grill eða bara sund :)
Allavega fólk verður að tjá sig um þetta hér á blogginu annars veit engin neitt um neitt sem aðrir vilja, ekki satt!!
Bæjó í bili
Þórey

2004-05-24T20:23:00.000Z

Ég er alveg að missa mig hérna, gleymdi að kvitta undir.

Pétur.

2004-05-24T20:22:00.000Z

Jæja...er ekki kominn hugur í fólk? Allir uppfullir af góðum hugmyndum? Hélt það líka. Talandi um svona grill. Mér líst afskaplega vel á það. Það er FÓG (fljótlegt, ódýrt og gott) og góð leið til að tjilla og rifja upp gúdd óld deis. Allavega....ég gef grænt á grillið!

Hugmyndir

2004-05-24T15:34:00.000Z

Mér finnst alveg tilvalið að við nýtum þennan vettvang til að ræða hugmyndir um hvað við eigum að gera þennan merka dag sem nálgast óðum.

Ég var í matarboði hjá Berglindi og Hauk í gær (rosa gott :) ) og okkur datt í hug að það væri gaman að fara með ferju út í Viðey og grilla þar og hafa stuð. Þar má svo fara í hefðbundna leiki eins og flöskustút, hlaupa í skarðið kíló eða eitthvað annað....NEI GRÍN! Ég ætla ekki að láta reyna á íþróttahæfni mína neitt...þau eru ófá sjálfsmörkin sem ég hef skorað um ævina ;)

Anyways...ef veður leyfir ekki svona skemmtiprógramm þá má einfaldlega skella þesssu upp í kæruleysi, fara til mín í pártý og grilla á svölunum...íbúðin er ekki stór en það er hæglega hægt að troða 30 manns eða svo þarna. Annað sem við gætum gert væri að grilla niður í Nauthólsvík...en persónulega langar mig mjög mikið að grilla en það er miklu ódýrara og skemmtilegara en að fara eitthvað svaka uppstríluð út að borða þar sem við þurfum að halda aftur að okkur í endurminningunum (vil ekki eiga það á hættu að okkur verði vísað út heheheheh)

Svo gætum við farið í keilu, haldið partý í tjöldunum hjá BSÍ, kveikt á nokkrum brunavarnakerfum, brætt tyggjó og hent í vegfarendur, ja eða tuggið klósettpappír og skotið á vegfarendur eða bara ótal margt!

Endilega komið með hugmyndir...við höfum svo bara kosningar um hvað þið viljið gera og fáum ÖSE til að fylgjast með kosningunum a la Ástþór Guðmundss. geðsjúklingur!

bið að heilsa í bili!

Brynja

Snillingarnir sn�a aftur!

2004-05-19T05:32:00.000Z

Nei komiði sæl öll sömul, elsku dúllurnar mínar. Þetta er bara algjör snilld að dúndra upp svona back in the days bloggi. Sá mér leik á borði að skrifa eitthvað hér núna vegna þess að ég vaknaði klukkutíma of snemma í vinnuna. Ekki veit ég af hverju. Jæja....Þetta var nú svei mér skemmtilegur tími þarna í Nesjaskóla. Mér er einna minnistæðast þegar Sólveig enskukennari fékk að finna fyrir upphituðum tyggjóklessum ala Pétur og Eymundur. Hún labbaði beint inní tyggjóleiðslurnar sem hengu úr loftinu, festist allt í hárinu á henni. Rauk svo að borðinu hjá mér og Eymundi og byrjaði að ausa úr skálum reiði sinnar. Skipti þá engum togum að Eymundur reif upp myndavél og tók eina mynd af Sólveigu í brjálæðiskasti. Þetta kom helvíti flatt uppá hana svo ekki sé meira sagt. Jæja...takk fyrir mig í bili. Yfir og út, Pétur.

Snillingarnir snúa aftur!

2004-05-18T23:58:00.000Z

Hæ hæ

Ég fékk þessa rosalega sniðugu hugmynd um að setja upp blogg þar sem við gætum tjáð okkur um andans mál og come-back aldarinnar, eða þegar snillingarnir snúa aftur! Hér er öllum velkomið að tjá sig, engar ritskoðanir í gangi og þessi vettvangur er því upplagður til að rifja upp ástkærar minningar úr Nesjaskóla...svona rétt til að hita upp fyrir sumarið.

Mig langar að deila því með ykkur að í vetur hef ég verið að vinna sem forfallakennari í Hagaskóla en núna siðustu tvær vikur hef ég verið að leysa kennara af sem er í feðraorlofi. Það er skemmst frá því að segja að ég fæ Nesjaskóla flash-back reglulega...t.d eins og þegar ég gekk út úr tíma a la Jónína Kárdal (þó ekki grenjandi) því gemlingarnir höguðu sér eins og við gerðum forðum daga. Nú síðast í fyrradag fór ég að ljósrita og þegar ég kom aftur þá voru allir búnir að setja stólana sína fyrir framan borðin og snéru vitlaust...DOES THAT BRING BACK MERMORIES?!

Endilega setjið inn linka á blogg eða heimasíður hjá ykkur!

Annars bið ég bara að heilsa og hlakka til að heyra í ykkur!

Kv.

Brynja